აფხაზეთის ახალგაზრდა მგალობელთა გუნდი.

აფხაზეთის ახალგაზრდა მგალობელთა გუნდი თავის შემოქმედებით ისტორიას 1981 წლიდან იწყებს. მისი დამაარსებელია დავით ყურაშვილი.მისი ხელმძღვანელობით გუნდი გაიზარდა და უნიკალურ კოლექტივად ჩამოყალიბდა, რომელმაც გააერთიანა სხვადასხვა ერები- ქართველები, აფხაზები,, ბერძნები, რუსები, ჩინელები, სომხები, უკრაინელები და სხვა.

მგალობელთა გუნდის რეპერტუარი მოიცავდა ყველა გუნდური ლიტერატურის ცნობილ ფორმას. შესრულებული ნაწარმოებების, რეპერტუარის მრავალფეროვნებამ, სირთულემ და თავისებურებამ, მგალობელთა გუნდს დიდი პოპულარობა მოუტანა, მუსიკის მოყვარულთა შორის.

გუნდმა ღირსეულად წარადგინა თავისი ხელოვნება, ევროპის ბევრ ქვეყანაში. ტრიუმფით მიმდინარეობდა კონცერტები ყოფილი საბჭოთა კავშირის ქვეყნებში. ბრწყინვალე შესრულებისათვის გუნდი, არაერთხელ იყო დაჯილდოებული გრან-პრით, ასევე ლაურიატია პრესტიჟული საზღვარგარეთული კონკურსებისა და ფესტივალების, ისეთებისა როგორებიცაა- ბელა ბარტოკის (უნგრეთი) სახელობის გუნდური შესრულების მუსიკის კონკურსი, გვიდო დე არეცო (იტალია), ცელი (იუგოსლავია) და ასე შემდეგ.

კონფლიქტის გამო აფხაზეთში დროებით შეწყვეტილი გუნდის შემოქმედებითი საქმიანობა, მაესტრო გურამ ყურაშვილმა კვლავ ააღორძინა ქ. თბილისში ახალგაზრდული კამერული გუნდის სახით. დღესდღეისობით გუნდი შესდგება როგორც გოგონებისაგან, ასევე ჭაბუკებისაგან, რომლებიც ერთნაირი წარმატებით ასრულებენ თანამედროვე ქართველი და საზღვარგარეთის კომპოზიტორების გუნდურ ნაწარმოებებს, გუნდური კლასიკური მუსიკის შედევრებს, და მასთან ერთად ქართულ ფოლკლორულ და საეკლესიო საგალობელებს.

გუნდის რეპერტუარი შედგენილია ისეთნაირად, რომ შესაძლებელია მისი ორ ნაწილად დაყოფა( ქალთა და ვაჟთა). გუნდის შიგნით შექმნილია მინი- ანსამბლები (ტრიო, კვარტეტი, კვინტეტი, სექსტეტი). აღსანიშნავია ისიც , რომ ქართული ფოლკლორის და საგალობლების შესრულების დროს ანსამბლი შემოსილია ნაციონალურ კოსტუმში.

თავისებურება და რეპერტუარის სხვადასხვაგვარეობები გუნდს ანიჭებს მიმზიდველობას, განუმეორებელ სტილს,იწვევს მუსიკის მოყვარულთა ინტერესს და ნებისმიერ საკონცერტო პირობებში გამოსვლის საშუალებას იძლევა.

2008 წელს დიდი წარმატებით ჩაიარა კონცერტებმა იტალიისა და საფრანგეთის ქალაქებში. გუნდი დიდი აღფრთოვანებით იქნა მიღებულიბელა ბარტოკის სახელობის გუნდური მუსიკის საერთაშორისო კონკურსზე ქალაქ დებრეცენში (უნგრეთი) და ჟიურის წევრების მიერ ერთხმად იქნა აღიარებული- კონკურსის აღმოჩენად.